⸙
Ri nab’ey
[chuwäch ronojel]
ja ri loq’oläj ija’tz
ja la’ ri nab’ey tzij ri xb’itäj kan chupam ri kajulew
ri nab’ey b’anïk
ri nab’ey etal
ri xkanäj kan
pa ruwi’ ri ruwach’ulew
Jun ti ko’l tzij
jun ti ch’u’l q’ajanil
jun ti ko’l k’ojib’äl
jari’ ri niyakon
ri runuk’ik
ronojel ri k’aslem
Al principio
[de todo]
fue la semilla
[sagrada]
fue la primera palabra dicha en el universo
la primera acción
y efecto
materializada
sobre la tierra
Una pequeña palabra
un susurro leve
un breve espacio
resguarda
el código de la vida
⸙
Re jun ojër b’ixanem re’
xk’oxoman nab’ey
chi la’ Paxil
chi la’ Kayala’
manxab’lach el
ija’tz
ija’tz
manxab’lach el
Ronojel ruwäch k’aslemal
ronojel ruwäch kamik
xa xe tikirel nitz’ukutäj pe
rik’in ri me’taman
ri tz’ib’an kan pa ruk’u’x
Este canto antiguo y empolvado
fue escuchado primero
en Paxil
en Kayala
sagrada
semilla
semilla
sagrada
Cada forma de vida
cada forma de muerte
solo llega a ser posible
por medio del milagro
escrito en sus profundidades
⸙
¿Kan jampe’ k’a kan ri ri’?
Kan ja’ kan toq ri qati’t Ixbalamke’
toq ri qamama’ Jun Ajpu’
xkitïk kan jun aj
chwa rochoch ri kati’t
toq xeb’e pa Xib’alb’ay
Nab’ey xchaqi’j
ruka’n xraxïr pe
po xchaqi’j chik jun b’ey
ka’ ri’ xraxir chik pe
Kan ja’ k’a kan ri’
toq xtikïr pe ri k’aslemal
¿Y desde cuándo fue?
Desde que la abuela Ixbalamke
y el abuelo Jun Ajpu
sembraron esa caña
en el patio de su abuela
antes de su viaje a Xibalbá
Primero se secó
después reverdeció
se volvió a secar
pero volvió a reverdecer
Desde entonces
comenzó la vida
⸙
Rokik royob’en
ri rub’yajem chuxe’ ulew
ri ruk’ojib’äl ri ija’tz
chi la’, pa xukulb’äl
Ruma chi ri’
xtik’oje’ jantape’ ri rujub’ulik ri pom
chuqa’ ri rusaqil ri q’anal saqil
jantape’ k’a xkek’oje’ ri Loq’oläj taq Uchuq’ab’il
Entre tanto que espera
su paso por el inframundo
el lugar de la semilla
ha de ser
ante las piedras sagradas
Porque allí
no le faltará el aroma del incienso
ni la luz de las candelas
ni la compañía de las Sagradas Energías
⸙
Rokik yojb’iyin apo pa xtiqulew
xsaqirisan pe
ri tz’ikina’, pa kinimaq’ijul
nikib’ixaj wi ri ruka’n taq qab’i’
Rïn yib’iyin rik’in kikotem
ri mama’aj yerutzijoj ri rutzijonem
Ja k’a ri loq’oläj ixim nib’ixan
b’enäq, chupam ri wawexab’äl
Mientras caminábamos a la parcela
el sol salió
los pájaros en fiesta
cantaban nuestros apellidos
Yo caminaba emocionado
el abuelo contaba sus historias
Y el maíz iba cantando
en mi morral de pitas
⸙
Ri q’ij waqxaqi’
toq xik’o ri jun wuqq’ij
xojb’e apo jukumaj pa qawex
jukumaj jukumaj
pa rub’ininem ri mama’aj
Ja k’a toq xel pe ri q’ij
rïn xintz’ët
ri nimaläj rutz’ukulem ri k’aslem:
ri ralaxb’äl ri loq’oläj ixim
Rokik ri k’ichelaj nib’ixan
ri xtinuk’u’x niropin
achi’el jun ti alaj k’isik’ ri k’a ri’ taläx
El día ocho
una semana después
fuimos de nuevo a la siembra
muy temprano
al ritmo del abuelo
Y cuando salió el sol
yo presencié
el milagro más fascinante de la vida:
el nacimiento del maíz
Mientras los pinos cantaban
mi corazón brincaba
como cabrita recién nacida
⸙
Toq xk’ut ri retawäch
pa tijob’äl jay
ja ri’ toq xinnab’ej
chi ri awän xuk’ut yan chi nuwäch
In pa’äl chi rukojol ri awän
ri runaq’ nuwäch nikijux
rik’in ri xtaq ruwi’ awän
konojel ri retawäch
ri nintz’ët wi
chupam ri xik’ wuj
Ri numama’
jun wi nimaläj ajretawäch
ronojel k’a runuk’un rik’in ruq’a’ ri rujosb’äl
Cuando, en la escuela,
me enseñaron geometría
supe que la milpa
me la había enseñado antes
Parado en medio del maizal,
cuando aún no alcanzaba mi cintura,
mis ojos dibujaban todas las formas
que miraba en el libro
El abuelo
era un gran geómetra
y todo lo trazaba con el cabo de su azadón
⸙
Rïn xik’iy chuxe’ ri loq’oläj awän
ri jalajöj taq b’onil kichin ri ruxaq
toq nikik’ul ki’ rik’in ri rutzub’al ri q’ij
rik’in ri q’eqasutz’
nikisaqirisaj wi ri wetz’anem
Mani ta ok nititz’ pa nuk’u’x
chi ri kaj
xa xe ka’i’ rub’onil
Yo crecí debajo de la sagrada milpa
las tonalidades de sus hojas
al contacto con la luz
o con las sombras
iluminaban mis mañanas
No me obliguen a creer
que el cielo
solo tiene dos colores
⸙
Ri äj, nima’q taq rusumal kiwi’
yeb’os pe chi kij konojel ri awän
xe tal k’a yek’iy
eqal k’a chi eqal
q’ij chi q’ij
k’a toq nikipo’ pe ki’ nima’q taq äj
rik’in ri q’eq taq rusumal kiwi’
achi’el ri rusumal ruwi’
ri q’opoj ri b’enäq nuk’u’x chi rij
K’a ri’ k’a toq niq’alajin
ronojel ri samaj
ronojel ri xak’onik
ronojel ri ramaj
Ja k’a ri taq k’el
ri jantape yewa’ijan
nikinachaj pe pa kaq’ïq’
achike chi äj xtikitij nab’ey
Los elotes de cabelleras largas
van surgiendo en cada milpa
y van creciendo y creciendo
poco a poco
día tras día
hasta que se convierten
en las mazorcas robustas
de cabello oscuro
como el de la mujer que amo
Solo entonces cobra sentido
tanto trabajo
tanto esfuerzo
tanto tiempo invertido
Y los chocoyos
siempre con hambre
vigilando desde el aire
cuál elote se comerán primero
⸙
Ri qajach’ xb’e ruq’ij
ruma man xa xe ta ri ixim niqamol
chuqa’ ri kinäq’
chuqa’ ri aws
chuqa’ ri ik’oy
chuqa’ ri q’oq’
Xojtikïr toq xsete’ ri ik’
k’ïy q’ij xojsamäj
k’a toq ri qaya’l ri qakostal
xpulin kiwi’
To xqak’äm pe ronojel chi qochoch
ja k’a toq natz’ët ronojel ri ixim ri’ chuwa awochoch
rik’in ri maxajanila rub’onilal
kan atb’eyon nana’ qa chi re
La tapisca duró más de una semana
no era solo de maíz
también de frijol
de haba
de güicoy
y de chilacayotes
La luna llena marcó el inicio
días y días de trabajo duro
hasta que las redes y los costales
se llenaron a reventar
Entonces se transportó todo a casa
y ver ese volcán de maíz en el patio
con sus colores deslumbrantes
es como sacarse la lotería
⸙
Rïn xintz’et chi ri mama’aj
janila b’enäq ranima chi rij ri rawän
po ri rawän chuqa’, chij rija’
Jun q’ij xub’ij chwe
toq xkikäm
wawe’ ninwajo’ yimuq wi
Man xojtikïr ta xqamuq chi ri’
Po toq xeqaq’ejela’ el pa muqb’äl
jun mama’ awän
k’iyirnäq pa ruwi’ ri rumuqb’äl
Siempre supe que el abuelo
amaba tanto su milpa
y ella a él, sin duda
Un día me dijo:
Cuando muera
quiero ser enterrado aquí
entre la milpa
No fue posible enterrarlo allí
Pero cuando lo fuimos a visitar
en el cementerio
una milpa enorme
crecía justo sobre su tumba
⸙
Xinapon chuchi’ ri awän
k’a jukumaj na
po man ninna’ ta
wi ink’äs
wi yinachik’
To ri awän xch’o’ pe chwe
«Röj chuqa’ öj kosinäq
achi’el chuqa’ ri chikopi’
achi’el ri juläy chik tiko’n
achi’el ri Qate’ Ruwach’ulew
achi’el rïx ri winaqi’
Rix iya’on pe chi qe
ri ralal ri ik’aslem
ri iq’axomal, ri ib’isonem
ruma’ k’a ri, wakami, qalk’wal
xa choj kawär»
Ja ri’ toq xuna’ pe nuwäch
Llegué frente a la milpa
era temprano
pero no sabía
si estaba despierto
o estaba soñando
La milpa me habló
«nosotros también estamos estresados
igual que los animales
igual que los demás cultivos
igual que la Madre Tierra
así como ustedes los humanos
Ustedes nos han trasladado
el peso de su existencia
sus dolores, sus prisas, su tristeza
por eso, ahora, hijo nuestro
descansa un rato»
Entonces desperté
*De Ri ojër tz’ib’awuj richin ri ija’tz chuqa’ richin ri loq’oläj ixim / El manuscrito de la semilla y del sagrado maíz (Tujaal Ediciones, 2026)
Miguel Ángel Oxlaj en IG: https://www.instagram.com/migueloxlaj/
Deja una respuesta